Khawab mein chand badshah ka wazir hai. Agar dekhe ke chand pakra hai ya us ko apne mulk mein dekha hai tou badshah ka maqrab ho ga ya wazir bane ga. Chand ke sath larai aur jhagra karna wazir se jhgara karna hai. Aur agar dekhe ke chand ki jagah par muqeem howa hai daleel hai ke badshah ka wazeer ho ga. Agar dekhe ke us ne chand ka noor liya hai. Daleel hai ke wazarat paye ga. Chand ke sath batain kare tou log us par faryad karain gey aur apna insaf chahain gey aur woh shakhs walayat paye ga. Agar 2 chand apas mein lartay hain tou 2 badshah apas mein jang karain gey aur un mein se aik gir kar parah parah ho gaya hai tou un mein se aik giray ga.
Agar dekhe ke sath ya gaud mein chand pakra howa hai tou aurat kare ga aur agar pehli tareekh ka chand dekhe tou woh aurat us se asal aur nasb mein us se behtar ho gi. Aur agar ye khwab aurat dekhe tou is sifat ka shokar kare gi. Chand ko pakeeza aur roshan dekhna aur phir woh ghar mein aa kar utra ho tou tou us ghar mein aurat kare ga aur us se manfat paye ga.
